നേട്ടം കൈവിടാതെ ഓഹരി വിപണി : ഇന്നും വ്യാപാരം ആരംഭിച്ചത് നേട്ടത്തിൽ

മുംബൈ: കഴിഞ്ഞ ദിവസം നേട്ടത്തിൽ അവസാനിച്ച ഓഹരിവിപണി ഇന്ന് തുടങ്ങിയതും നേട്ടത്തിൽ. സെന്‍സെക്‌സ് 136 പോയിന്റ് ഉയർന്നു 37406ലും നിഫ്റ്റി 39 പോയിന്റ് ഉയർന്ന് 11074ലുമായിരുന്നു വ്യാപാരം. ബിഎസ്ഇയിലെ 877 കമ്പനികളുടെ ഓഹരികള്‍ നേട്ടം കൈവരിച്ചപ്പോൾ 243 ഓഹരികള്‍ നഷ്ടത്തിലേക്ക് വീണു. ഐടി ഓഹരികളൊഴികെ മറ്റ് വിഭാഗങ്ങളിലെ ഓഹരികളെല്ലാം നേട്ടത്തിലാണ്. ഇതിൽ ഐസിഐസിഐ ബാങ്കാണ് മുന്നില്‍ നില്‍ക്കുന്നത്.

ഒഎന്‍ജിസി, എച്ച്ഡിഎഫ്സി, ടാറ്റ സ്റ്റീല്‍, ഐഒസി, യുപിഎല്‍,ഹിന്‍ഡാല്‍കോ, ഡോ.റെഡ്ഡീസ് ലാബ്,സണ്‍ ഫാര്‍മ,എസ്ബിഐ, ഐഷര്‍ മോട്ടോഴ്സ്, തുടങ്ങിയ ഓഹരികളാണ് നേട്ടത്തിലും,ഹീറോ മോട്ടോര്‍കോര്‍പ്, പവര്‍ ഗ്രിഡ്, യെസ് ബാങ്ക്,ഹിന്ദുസ്ഥാന്‍ യുണിലിവര്‍, റിലയന്‍സ്, ബജാജ് ഓട്ടോ, ഇന്‍ഫോസിസ്, വിപ്രോ, ടാറ്റ മോട്ടോഴ്സ്, തുടങ്ങിയ ഓഹരികള്‍ നഷ്ടത്തിലുമാണ്.