ഹൈദരാബാദ്: നഗരത്തില്‍ തണലിനായി നട്ടുപിടിപ്പിച്ച ചെടികള്‍ തിന്നുനശിപ്പിച്ച ആടുകളെ അറസ്റ്റ് ചെയ്ത് പൊലീസ്. തെലങ്കാനയിലെ ഹുസുരാബാദിലാണ് സംഭവം. സേവ് ദി ട്രീ അസോസിയേഷന്റെ പരാതിയിലാണ് ആടുകളെ അറസ്റ്റിലായത്. 900 ചെടികളാണ് നഗരത്തില്‍ ഇവര്‍ നട്ടുപിടിപ്പിച്ചത്. ആടുകള്‍ ചെടി തിന്നുനശിപ്പിക്കാന്‍ തുടങ്ങിയതോടെ അധികൃതർ പൊലീസിനെ സമീപിക്കുകയായിരുന്നു.
250ഓളം ചെടികള്‍ ആടുകള്‍ തിന്ന് നശിപ്പിച്ചു. കഴിഞ്ഞ ദിവസം ചെടികള്‍ തിന്നു നശിപ്പിക്കുന്നതിനിടെ ഇവര്‍ തന്നെയാണ് ആടുകളെ പിടികൂടി പോലീസിൽ ഏൽപ്പിച്ചത്. പ്രദേശവാസിയായ രാജ എന്നയാളുടേതാണ് ആട്. ഇയാള്‍ പൊലീസ് സ്റ്റേഷനിലെത്തി ആയിരം രൂപ ഫൈന്‍ അടച്ച ശേഷമാണ് ആടുകളെ തിരികെ കൊണ്ടു പോയത്.
Post Your Comments