തിരുവനന്തപുരം: കോളജ് വിദ്യാര്‍ഥികള്‍ നടുറോഡില്‍ നടത്തിയ ഓണാഘോഷത്തിനിടെ ഇരുചക്രവാഹന യാത്രക്കാരായ അമ്മയ്ക്കും മകനും പരിക്ക്. പെരിങ്ങമല ഇക്ബാല്‍ കോളജിലെ ഓണാഘോഷത്തിന്റെ ഭാഗമായി ഗതാഗതം തടസപ്പെടുത്തി നൂറോളം വണ്ടികളില്‍ വിദ്യാര്‍ഥികള്‍ ഘോഷയാത്ര നടത്തുന്നതിനിടെയായിരുന്നു സംഭവം. തിങ്ങിനിറഞ്ഞു വിദ്യാര്‍ഥികള്‍ കയറിയ തുറന്ന ജീപ്പ് റോഡിലൂടെ ഓടിക്കുന്നതിനിടെ അതുവഴി സ്‌കൂട്ടറില്‍ വന്ന അമ്മയെയും മകനെയും ഇടിച്ചു വീഴ്ത്തുകയായിരുന്നു.
ഗതാഗതം തടസപ്പെടുത്തിയതിനും അപകടകരമായി ബൈക്ക് റേസ് നടത്തിയതിനും കണ്ടാലറിയാവുന്ന നൂറിലധികം പേര്‍ക്കെതിരെ കേസെടുത്തു. തലനാരിഴയ്ക്കാണ് ജീപ്പിനടിയില്‍പെടാതെ അമ്മയും മകനും രക്ഷപ്പെട്ടത്. പരിക്കേറ്റ ഇവരെ പാലോട് ആശുപത്രിയില്‍ പ്രവേശിപ്പിച്ചു.
Post Your Comments