ന്യൂഡൽഹി: ഡൽഹി കഴിഞ്ഞാൽ രാജ്യത്തെ ഏറ്റവും മികച്ച പൊലീസ് സേന കേരളത്തിലെന്ന് പഠനറിപ്പോർട്ട്. ലോക്നീതി സെന്റർ ഫോർ ദ് സ്റ്റഡി ഓഫ് ഡവലപ്പിങ് സൊസൈറ്റീസ് ആൻഡ് കോമൺ കോസ് തയാറാക്കിയ രാജ്യത്തെ പൊലീസിങ് റിപ്പോർട്ടിലാണ് ഇക്കാര്യം വ്യക്തമാക്കിയിരിക്കുന്നത്. അടിസ്ഥാന സൗകര്യം, ആൾബലം, ബജറ്റ് വിഹിതം എന്നിവയുടെ അടിസ്ഥാനത്തിലാണ് പഠനറിപ്പോർട്ട് തയ്യാറാക്കിയിരിക്കുന്നത്. മഹാരാഷ്ട്ര മൂന്നാം സ്ഥാനത്താണ്. ആൾബലത്തിന്റെ കാര്യത്തിൽ ഡൽഹിയും കേരളവും ബലാബലം നിൽക്കുമ്പോൾ അടിസ്ഥാന സൗകര്യത്തിന്റെ കാര്യത്തിൽ ഡൽഹിയാണ് മുന്നിൽ.
Read also: പ്രീവെഡ്ഡിംഗ് ഷൂട്ടിംഗ് മൂലം പോലീസ് ഉദ്യോഗസ്ഥൻ വിവാദത്തിൽ; സംഭവമിങ്ങനെ
അതേസമയം ബജറ്റ് വിഹിതത്തിൽ പക്ഷേ, കേരളവും ഡൽഹിയും മഹാരാഷ്ട്രയ്ക്കും പിന്നിലാണ്. ഇതേസമയം, ഹെവി ഡ്യൂട്ടി വാഹനങ്ങളുടെ എണ്ണത്തിൽ കേരളത്തിനു ഞെരുക്കമുള്ളതായാണ് റിപ്പോർട്ടിൽ കാണിക്കുന്നത്. എന്നാൽ വാഹനമില്ലാത്ത പൊലീസ് സ്റ്റേഷനുകളും രാജ്യത്തുണ്ട്.
Post Your Comments