ജയ്പൂര്‍: പ്രീവെഡ്ഡിംഗ് ഷൂട്ടിംഗ് മൂലം പോലീസ് ഉദ്യോഗസ്ഥൻ വിവാദത്തിൽ. ധന്‍പത് എന്ന പൊലീസ് ഉദ്യോഗസ്ഥനാണ് വീഡിയോ മൂലം പുലിവാല് പിടിച്ചിരിക്കുന്നത്. ധന്‍പതിന്‍റെയും കിരണ്‍ എന്ന പെണ്‍കുട്ടിയുടേയും പ്രീ വെഡ്ഡിംഗ് വീഡിയോയാണ് വിവാദമായത്. ഹെല്‍മെറ്റില്ലാതെ വാഹനമോടിച്ചെത്തിയ കിരണിനെ യൂണിഫോമില്‍ ഡ്യൂട്ടിയിലുള്ള ധന്‍പത് തടയുകയും പെണ്‍കുട്ടി ധന്‍പതിന്‍റെ പോക്കറ്റില്‍ കൈക്കൂലിയായി പണം നല്‍കി കടന്നു പോകുകയും ചെയ്യുന്നു.
Read also: മഴ ആസ്വദിച്ച് ഡ്രൈവ് ചെയ്യുന്ന ദുബായ് രാജകുമാരന്‍ ഷെയ്ഖ് ഹമ്ദാന്റെ വീഡിയോ വൈറലാകുന്നു
എന്നാല്‍ പിന്നീടാണ് തന്‍റെ പോക്കറ്റില്‍ കിടന്ന പെഴ്സുമായാണ് പെണ്‍കുട്ടി പോയതെന്ന കാര്യം പൊലീസുകാരന് മനസിലായത്. പിന്നീട് ഇരുവരും വീണ്ടും കണ്ടുമുട്ടുന്നതും പ്രണയത്തിലാകുന്നതുമാണ് ദൃശ്യങ്ങളിലുള്ളത്. യൂണിഫോമിലുള്ള പൊലീസുകാരന്‍റെ പോക്കറ്റടിക്കുന്നതും കൈക്കൂലിപ്പണം നല്‍കുന്നതും ചിത്രീകരിച്ചതാണ് ധന്‍പതിന് വിനയായത്. യുവാവ് പൊലീസ് യൂണിഫോം ദുരുപയോഗം ചെയ്തുവെന്നും ഡിപ്പാര്‍ട്ട്മെന്‍റിനെ അപമാനിച്ചുവെന്നും മുതിർന്ന ഉദ്യോഗസ്ഥർ ആരോപിച്ചതോടെ സംഭവം വിവാദമായി. ഏതായാലും വീഡിയോ യൂട്യൂബിൽ നിന്നും നീക്കം ചെയ്‌തിട്ടുണ്ട്‌.
Post Your Comments