പഞ്ചാബിൽ വൻ തീപിടിത്തം

ചണ്ഡീഗഡ് : പഞ്ചാബിൽ വൻ തീപിടിത്തം. ലുധിയാനയിലെ സുന്ദർ നഗറിലുള്ള ത്രിമൂർത്തി ഹോയ്സറി മിൽസിൽ ബുധനാഴ്ച രാവിലെയാണ് തീപിടിത്തമുണ്ടായത്. വാർത്ത ഏജൻസി എഎൻഐ ആണ് ഇക്കാര്യം റിപ്പോർട്ട് ചെയ്തിരിക്കുന്നത്. അഗ്നിശമന സേനയുടെ അൻപതു യൂണിറ്റുകൾ സ്ഥലത്തെത്തി തീ അണയ്ക്കാനുള്ള ശ്രമങ്ങൾ ആരംഭിച്ചു.

Punjab: Fire breaks out in Trimurti Hosiery Mills in Ludhiana's Sunder Nagar. About 50 fire tenders are present at the spot. More details awaited. pic.twitter.com/UN8trrMjNH

— ANI (@ANI) August 7, 2019

അപകട സമയത്തു 20ജീവനക്കാർ മില്ലിനുള്ളിൽ ഉണ്ടായിരുന്നു. ഏറ്റവും മുകളിലത്തെ നിലയിൽ ഏഴു ജീവനക്കാർ കുടുങ്ങിയെന്നും ഇവരെ പിന്നീട് രക്ഷപ്പെടുത്തിയെന്നും ഹിന്ദുസ്ഥാൻ ടൈംസ് റിപ്പോർട്ട് ചെയ്യുന്നു. ആർക്കും പരിക്കില്ലെന്നാണ് വിവരം. തീപിടിത്തത്തിന്റെ കാരണം വ്യക്തമല്ല. ഷോർട്ട് സർക്യൂട്ടെന്നാണ് പ്രാഥമിക നിഗമനം. കൂടുതൽ വിവരങ്ങൾ അറിവായിട്ടില്ല.

Also read : ഷോക്കേറ്റ് കാട്ടാന ചെരിഞ്ഞു