ഫ്ലോറിഡ: ഇന്ത്യന്‍ ബൗളര്‍മാരുടെ പന്തുകള്‍ക്ക് മുന്നില്‍ പിടിച്ചു നില്‍ക്കാനാകാതെ വെസ്റ്റ് ഇൻഡീസ്. ട്വന്റി20 പരമ്പരയിലെ ആദ്യ മത്സരത്തിൽ വിൻഡീസിനെതിരെ ഇന്ത്യക്ക് 96 റൺസ് ആണ് വിജയലക്ഷ്യം. 33 റണ്‍സെടുക്കുന്നതിനിടെ അഞ്ച് വിക്കറ്റുകള്‍ നഷ്ടപ്പെട്ട കരീബിയന്‍ പടയ്ക്ക് പിന്നീട് തിരിച്ചുവരാൻ കഴിഞ്ഞില്ല. ടോസ് നേടിയ ഇന്ത്യ വിൻഡീസിനെ ബാറ്റിങ്ങിനയ്ക്കുകയായിരുന്നു. ഇന്ത്യക്കായി അരങ്ങേറ്റക്കാരൻ നവദീപ് സെയ്നി മൂന്നു വിക്കറ്റ് നേടി. ഭുവനേശ്വർ കുമാർ രണ്ടും, കൃനാൽ പാണ്ഡ്യ, രവീന്ദ്ര ജഡേജ, വാഷിങ്ടൻ സുന്ദർ, ഖലീൽ അഹമ്മദ് എന്നിവർ ഓരോ വിക്കറ്റും നേടി. സ്കോര്‍ ബോര്‍‌ഡില്‍ ഒരു റണ്‍സ് മാത്രമുള്ളപ്പോള്‍ ജോണ്‍ കാംബെല്ലിനെ പുറത്താക്കി കൃണാല്‍ പാണ്ഡ്യയാണ് ഇന്ത്യന്‍ വിക്കറ്റ് വേട്ടയ്ക്ക് തുടക്കമിട്ടത്.
Post Your Comments