തിരുവനന്തപുരം : ഇന്നലെ ഉച്ചയ്ക്ക് പൂജപ്പുര ചില്‍ഡ്രന്‍സ് ഹോമില്‍ നിന്ന് കാണാതായ നാലുകുട്ടികളെയും കണ്ടെത്തി. വര്‍ഗീസ്(17), വിവേക് വസന്തന്‍ (17), ആകാശ്(17), അമല്‍ (17) എന്നിവരെയാണ് നെടുമങ്ങാട് കരിപ്പൂരില്‍ നിന്ന് പോലീസ് സംഘം പിടികൂടിയത്. നെടുമങ്ങാടുള്ള സുഹൃത്തിന്റെ വീട്ടില്‍ പോയതായതാണെന്നാണ് കുട്ടികള്‍ നല്‍കുന്ന വിശദീകരണം.അതേസമയം, ഇതിന് മുന്‍പും ഇവരെ ചില്‍ഡ്രന്‍സ് ഹോമില്‍ നിന്നും കാണാതായിട്ടുണ്ട്.
ചൊവ്വാഴ്ച ഉച്ചതിരിഞ്ഞാണ് സംഭവം. ഉച്ചക്ക് ആഹാരം കൊടുക്കുന്നതിനിടെ പുറത്തിറങ്ങിയ ഇവര്‍ ഹോമിന്റെ മതില്‍ചാടി രക്ഷപ്പെടുകയായിരുന്നു. സമാന സംഭവങ്ങള്‍ പല തവണ ഉണ്ടായിട്ടും ചില്‍ഡ്രന്‍സ് ഹോമിന്റെ സുരക്ഷ വര്‍ധിപ്പിക്കാന്‍ നടപടിയെടുക്കാത്തതില്‍ കടുത്ത വിമര്‍ശനം ഉയര്‍ന്നിട്ടുണ്ട്.
Post Your Comments