തഞ്ചാവൂര്‍ : ബീഫ് കഴിക്കുന്ന ചിത്രം സമൂഹിക മാധ്യമങ്ങളില്‍ പോസ്റ്റ് ചെയ്തതിന് തമിഴ്‌നാട്ടില്‍ 24-കാരനായ യുവാവിനെ അറസ്റ്റ് ചെയ്തു. തമിഴ്‌നാട് തഞ്ചാവൂര്‍ പൊരവഞ്ചേരി സ്വദേശി മുഹമ്മദ് ഫൈസാനിനെയാണ് അറസ്റ്റ് ചെയ്തത്. ക്രമസമാധാന പ്രശ്നം ഉണ്ടാക്കിയതിന്റെ പേരിലാണ് അറസ്റ്റെന്നാണ് പോലീസിന്റെ വിശദീകരണം.
ജൂണ് 11-നാണ് ബീഫ് സൂപ്പ് കഴിക്കുന്ന ചിത്രത്തോടൊപ്പം അതിന്റെ സ്വാദും വിവരിച്ച് ഫൈസാന്‍ സോഷ്യല്‍ മീഡിയയില്‍ പോസ്റ്റിട്ടത്. ഇതിന്റെ പേരില്‍ നാലംഗ സംഘം ഫൈസാനെ വീട്ടിലെത്തി മര്‍ദ്ദിച്ചു. ഈ സംഭവത്തില്‍ സംഭവത്തില്‍ മറ്റ് നാല് പേരെയും നേരത്തെ തന്നെ പോലീസ് അറസ്റ്റ് ചെയ്തിരുന്നു. മര്‍ദ്ദനത്തില്‍ പരിക്കേറ്റ ഫൈസാന്‍ സര്‍ക്കാര്‍ ആശുപത്രിയില്‍ ചികിത്സയിലായിരുന്നു. ആശുപത്രിയില്‍ നിന്ന് ഡിസ്ചാര്‍ജ് ചെയ്ത ശേഷമാണ് ഫൈസാനെ പോലീസ് അറസ്റ്റ് ചെയ്തത്.
Post Your Comments