തിരുവനന്തപുരം: തിരുവനന്തപുരത്തുനിന്ന് ന്യൂഡല്‍ഹിക്ക് പോകുന്ന തിരുവനന്തപുരം – ന്യൂഡല്‍ഹി കേരള എക്‌സ്പ്രസ് (12625) നാളെ ഹസ്രത്ത് നിസാമുദ്ദീന്‍ സ്റ്റേഷനില്‍ യാത്ര അവസാനിപ്പിക്കും. 21-ാം തിയതിയിലെ ന്യൂഡല്‍ഹി- തിരുവനന്തപുരം കേരള എക്‌സ്പ്രസ് (12626) നിസാമുദ്ദീന്‍ സ്റ്റേഷനില്‍ നിന്നാകും പുറപ്പെടുക.
അതേസമയം വാഞ്ചി മണിയാച്ചി- തിരുനെല്‍വേലി റെയില്‍വേ സ്റ്റേഷനുകള്‍ക്കിടെ പാലം പണി നടക്കുന്നതിനാല്‍ ഈ മാസം 20 മുതല്‍ 23വരെ ഏതാനും ട്രെയിനുകള്‍ ഭാഗികമായി റദ്ദാക്കിയതായും റെയിവെ അറിയിച്ചു.
ഈ ദിവസങ്ങളില്‍ താംബരം – നാഗര്‍കോവില്‍ അന്ത്യോദയ എക്‌സ്പ്രസ് (16191) കോവില്‍പട്ടിക്കും നാഗര്‍കോവിലിനുമിടയില്‍ സര്‍വീസ് നടത്തില്ല. കൂടാതെ നാഗര്‍കോവില്‍ – താംബരം അന്ത്യോദയ എക്‌സ്പ്രസ് (16192) കോവില്‍പട്ടിയില്‍ നിന്നാകും പുറപ്പെടുക. തിരുച്ചിറപ്പള്ളി – തിരുവനന്തപുരം ഇന്റര്‍സിറ്റി എക്‌സ്പ്രസ് (22627) വാഞ്ചി മണിയാച്ചിക്കും തിരുവനന്തപുരത്തിനുമിടയില്‍ സര്‍വീസ് നടത്തില്ല. തിരുവനന്തപുരം – തിരുച്ചിറപ്പള്ളി ഇന്റര്‍സിറ്റി എക്‌സ്പ്രസ് (22628) വാഞ്ചിയില്‍ നിന്നാകും സര്‍വീസ് നടത്തുക.
Post Your Comments