ഫുജൈറ: കാറുകൊണ്ട് റോഡില് അഭ്യാസപ്രകടനം നടത്തിയ മൂന്ന് യുവാക്കളെ ഫുജൈറ പൊലീസ് അറസ്റ്റ് ചെയ്തു. ബദ്യ, ഹല എന്നിവിടങ്ങളിലായിരുന്നു സംഭവം നടന്നത്. വാഹനങ്ങള് ഇടിച്ചുകയറ്റിയതിലൂടെ റോഡിനും തകരാറുകള് സംഭവിച്ചിട്ടുണ്ട്. മറ്റ് യാത്രക്കാര്ക്ക് ഗുരുതരമായ സുരക്ഷാഭീഷണി ഉയര്ത്തിയായിരുന്നു അഭ്യാസമെന്ന് ഫുജൈറ പൊലീസ് അധികൃതര് അറിയിച്ചു. യുവാക്കള് അമിതവേഗത്തില് വാഹനം ഓടിക്കുന്നതിന്റെയും റോഡിന്റെ വശങ്ങളിലേക്ക് ഇടിച്ചുകയറുന്നതിന്റെയും വീഡിയോ ദൃശ്യങ്ങള് പുറത്തുവന്നു. പിടിയിലായവരെ തുടര്നടപടികള്ക്കായി ഫുജൈറ ട്രാഫിക് പ്രോസിക്യൂഷന് കൈമാറി. റോഡില് നാശനഷ്ടങ്ങള് വരുത്തിയതിനുള്ള തുകയും ഇവരില് നിന്നുതന്നെ ഈടാക്കും.
Post Your Comments