ന്യൂദല്‍ഹി: അധ്യാപികയെ ബലാത്സംഗം ചെയ്തതിന് പ്രിന്‍സിപ്പല്‍ അറസ്റ്റില്‍. തെക്കന്‍ ദില്ലിയിലെ ജസോള സ്‌കൂളിലെ പ്രിന്‍സിപ്പലാണ് ബലാത്സംഗത്തിനും അധ്യാപികയെ ഭീ,ണിപ്പെടുത്തിയതിനും അറസ്റ്റിലായത്.
സരിത വിഹാര്‍ പോലീസ് സ്റ്റേഷനില്‍ അധ്യാപിക നല്‍കിയ പരാതിപ്രകാരം കേസ് ഫയല്‍ ചെയ്ത പൊലീസ് രാകേഷ് സിംഗ് എന്ന പ്രതിയെ ഉടന്‍ തന്നെ അറസ്റ്റ് ചെയ്യുകയായിരുന്നു. കഴിഞ്ഞ കുറച്ച് വര്‍ഷങ്ങളായി സ്‌കൂള്‍ പ്രിന്‍സിപ്പല്‍ തന്നെ ബലാത്സംഗം ചെയ്യുകയും ഭീഷണിപ്പെടുത്തുകയും ചെയ്തുവെന്നാണ് പരാതിയിലുള്ളതെന്ന് പൊലീസ് പറഞ്ഞു.
2017 ജൂണില്‍ സ്‌കൂള്‍ സമയത്തിന് ശേഷം അധിക ക്ലാസുകള്‍ എടുക്കാന്‍ സിംഗ് വിളിച്ചപ്പോഴാണ് താന്‍ ആദ്യം ആക്രമിക്കപ്പെട്ടതെന്ന് അധ്യാപിക പരാതിയില്‍ പറയുന്നു. ഓഫീസ് മുറിയിലേക്ക് കൊണ്ടുപോയി മയക്കമരുന്ന് അടങ്ങിയ ശീതളപാനീയം നല്‍കി ബോധം കെടുത്തിയാണ് പീഡിപ്പിച്ചതെന്നും പരാതിയിലുണ്ട്. സംഭവത്തിന്റെ വീഡിയോ ചിത്രീകരിച്ച ഇയാള്‍ ഇതുപയോഗിച്ച് ബ്ലാക്‌മെയില്‍ ചെയ്താണ് അധ്യാപികയെ പീഡിപ്പിച്ചതെന്നും പൊലീസ് പറഞ്ഞു. ഇക്കാര്യത്തില്‍ കൂടുതല്‍ അന്വേഷണം നടത്തിവരികയാണ്.
Post Your Comments