ഭാര്യയെയും മൂന്ന് മക്കളെയും വിഷം കൊടുത്ത് കൊലപ്പെടുത്തി : ഭര്‍ത്താവ് ജീവനൊടുക്കി

ഗാസിയാബാദ്: ഭാര്യയെയും മൂന്ന് മക്കളെയും വിഷം കൊടുത്ത് കൊലപ്പെടുത്തിയ ശേഷം ഭര്‍ത്താവ് ജീവനൊടുക്കി. ഗാസിയാബാദിലെ ശതാബ്ദി നഗറിൽ പ്രദിപ്(37) ആണ് ഭാര്യയ്ക്ക് അവിഹിത ബന്ധമുണ്ടെന്ന് ആരോപിച്ച് കൊലപാതകങ്ങള്‍ നടത്തിയ ശേഷം ആത്മഹത്യ ചെയ്തത്. മദ്യ ലഹരിയില്‍ വീട്ടിലെത്തിയ ഇയാള്‍ ഭാര്യയെയും മൂന്ന് മക്കളെയും കൊന്ന ശേഷം ആത്മഹത്യ ചെയ്യുകയായിരുന്നുവെന്നും വായ മൂടിക്കെട്ടിയ നിലയിലായിരുന്നു മൂന്ന് മക്കളുടെയും മൃതദേഹം കണ്ടെത്തിയതെന്നും ഗാസിയാബാദ് പൊലീസ് അറിയിച്ചു.