ന്യൂ ഡല്‍ഹി: കാലവര്‍ഷത്തില്‍ മഴയുടെ ലഭ്യതയില്‍ കുറവു വന്നതില്‍ ആശങ്കപ്പെടാനില്ലെന്ന് കേന്ദ്ര കൃഷിമന്ത്രി നരേന്ദ്ര സിംഗ് തോമര്‍. തെക്കുടിഞ്ഞാറന്‍ കാലവര്‍ഷത്തില്‍ മഴയുടെ അളവില്‍ വന്‍ കുറവ് വന്നതിനെ തുടര്‍ന്നായിരുന്നു അദ്ദേഹത്തിന്റെ പ്രതികരണം. ജൂണില്‍ 33 ശതമാനത്തിന്റെ കുറവുണ്ടായെങ്കിലും ജൂലായ്, ഓഗസ്റ്റ് മാസങ്ങളില്‍ നല്ല മഴ ലഭിക്കുമെന്ന് കേന്ദ്ര മന്ത്രി പറഞ്ഞു.
മഴക്കുറവ് നെല്ലുപോലുള്ള ഖാരിഫ് വിളകളെ ബാധിക്കുമെന്ന ആശങ്ക ഉയര്‍ന്ന സാഹചര്യത്തിലാണ് കര്‍ശഷകരോട് ആശങ്ക വേണ്ടെന്ന് മന്ത്രി അറിയിച്ചത്. ജൂലായിലും ഓഗസ്റ്റിലും നല്ല മഴ ലഭിക്കുമെന്ന കാലാവസ്ഥാനിരീക്ഷണവകുപ്പ് അറിയിപ്പ് നല്‍കിയതായും അദ്ദേഹം പറഞ്ഞു.
Post Your Comments