നേട്ടം കൈവിടാതെ ഓഹരി വിപണി : വ്യാപാരം നേട്ടത്തിൽ അവസാനിച്ചു

മുംബൈ :  ഓഹരി വിപണി നേട്ടത്തിൽ അവസാനിച്ചു. സെൻസെക്സ് 291.86 പോയിന്റ് ഉയർന്നു 39686.50ലും, നിഫ്റ്റി 76.75 പോയിന്റ് ഉയർന്നു 11865.60ലുമാണ് വ്യാപാരം അവസാനിപ്പിച്ചത്,

കഴിഞ്ഞ ആഴ്ച നഷ്ടത്തിൽ അവസാനിച്ച ഓഹരി വിപണി ഈ  വ്യാപാര ആഴ്ച്ചയിലെ ആദ്യ ദിനത്തിൽ സെന്‍സെക്സ് 201 പോയിന്റ് ഉയര്‍ന്ന് 39595 ലും നിഫ്റ്റി 57 പോയിന്റ് ഉയർന്ന് 11846ലുമായി നേട്ടത്തിലാണ് ആരംഭിച്ചത്. ബിഎസ്ഇയിലെ 570 ഓഹരികള്‍ നേട്ടത്തിലെത്തിയപ്പോൾ 217 ഓഹരികള്‍ നഷ്ടത്തിലായിരുന്നു.

ഇന്‍ഡസിന്‍ഡ് ബാങ്ക്, ടാറ്റ സ്റ്റീല്‍, വേദാന്ത, യെസ്ബാങ്ക്, ആക്‌സിസ് ബാങ്ക്, എല്‍റ്റി, ടാറ്റ മോട്ടോര്‍സ്, റിലയന്‍സ്, ഏഷ്യന്‍ പെയിന്റ്‌സ്, പവര്‍ഗ്രിഡ്, ഐസിഐസിഐ ബാങ്ക്, ബജാജ് ഓട്ടോ, ടിസിഎസ്, ഹീറോ മോട്ടോകോപ്, ബജാജ് ഫിനാന്‍സ്, ഭാരതി എയര്‍ടെല്‍, ഇന്‍ഫോസിസ്, സണ്‍ ഫാര്‍മ, കൊടക് ബാങ്ക്, ഒഎന്‍ജിസി, ഐടിസി, മാരുതി തുടങ്ങിയ ഓഹരികള്‍ നേട്ടത്തിലെത്തിയപ്പോൾ ബിപിസിഎല്‍, ഐഒസി, ഗെയില്‍, ടൈറ്റാന്‍ തുടങ്ങിയ ഓഹരികള്‍ നഷ്ടത്തിലായിരുന്നു.