മഹേന്ദ്രസിംഗ് ധോണിയേയും കേദാര്‍ ജാദവിനേയും വിമര്‍ശിച്ച് സച്ചിൻ ടെണ്ടുൽക്കർ. അഫ്ഗാനെതിരായ മത്സരത്തിൽ ധോണിയും ജാദവും ഒട്ടും വിജയതൃഷ്ണ കാട്ടിയില്ലെന്നായിരുന്നു സച്ചിന്റെ വിമർശനം. ഇന്ത്യയുടെ ബാറ്റിംഗില്‍ ആശങ്കാകുലനാണ്. അഫ്ഗാനെതിരെ ബാറ്റിംഗ് കുറച്ചുകൂടി നന്നാക്കണമായിരുന്നു. കേദാര്‍ ജാദവും ധോണിയും ചേര്‍ന്ന കൂട്ടുകെട്ട് നന്നായില്ല. തീര്‍ത്തും മന്ദഗതിയിലായിരുന്നു ഇവരുടെ ബാറ്റിംഗ്. സ്പിന്‍ പന്തുകള്‍ക്കെതിരെ 34 ഓവര്‍ ലഭിച്ചുവെങ്കിലും കിട്ടിയത് 119 റണ്‍സ് മാത്രമാണെന്നും അദ്ദേഹം വ്യക്തമാക്കി.
ഇന്ത്യയുടെ മധ്യനിര പരീക്ഷിക്കപ്പെട്ടിട്ടില്ല എന്നതാണ് സത്യം. ഇത് പ്രതിഫലിക്കപ്പെട്ടു. കുറച്ചുകൂടി വിജയിക്കണമെന്ന ആഗ്രഹം കാണിക്കേണ്ടതാണ്. ജാദവിന്റെ ഉത്തരവാദിത്തം ഏറ്റെടുത്ത് മുന്നില്‍ നില്‍ക്കാന്‍ ആരെങ്കിലും വേണ്ടതായിരുന്നു. നിര്‍ഭാഗ്യവശാല്‍ അതുണ്ടായില്ലെന്നും സച്ചിൻ കുറ്റപ്പെടുത്തി.
Post Your Comments