ഇന്ത്യ- പാക് മത്സരത്തിനിടെ ഗ്യാലറിയില്‍ പ്രണയാഭ്യര്‍ത്ഥന; വീഡിയോ വൈറലാകുന്നു

ലോകകപ്പിൽ ഇന്ത്യ- പാക് പോരാട്ടത്തിനിടെ ഗ്യാലറിയില്‍ നടന്ന പ്രണയാഭ്യര്‍ത്ഥനയുടെ വീഡിയോ സോഷ്യല്‍മീഡിയയില്‍ വൈറലാകുന്നു.  ആവേശകരമായ മത്സത്തിനിടെ കാണികളിൽ നിന്ന് ആർപ്പുവിളികൾ ഉയരുന്നതിനിടെയാണ് ഗ്യാലറിയിൽ ഇങ്ങനെയൊരു സംഭവം നടന്നത്.  കളി കാണുന്നതിനിടയില്‍ നീല ജഴ്‌സിയണിഞ്ഞ യുവാവ് പെട്ടെന്ന് കാമുകിയായ അന്‍വിതയ്ക്ക് മുന്നില്‍ മുട്ടുകുത്തി മോതിരം സമ്മാനിക്കുകയായിരുന്നു. ആദ്യമൊന്ന് പകച്ചെങ്കിലും അന്‍വിത യുവാവിന്റെ പ്രണയാഭ്യര്‍ത്ഥന സ്വീകരിച്ചു. ഇരുവരുടെയും സുഹൃത്തുക്കളും ഒപ്പമുണ്ടായിരുന്നു. യുവതി തന്നെയാണ് വീഡിയോ ട്വിറ്ററിൽ പങ്കുവെച്ചിരിക്കുന്നത്.

So this happened #INDvPAK #INDvsPAK #CricketWorldCup #Proposal pic.twitter.com/8lg8AcJvKv

— Anvita (@BebuJ) June 21, 2019