ഒരു മാസം മാത്രം യാത്ര ചെയ്തത് 1.20 കോടി യാത്രക്കാര്‍… റെക്കോഡ് സൃഷ്ടിച്ച് : ആഭ്യന്തര വിമാന സര്‍വീസ്

ന്യൂഡല്‍ഹി: ഒരു മാസം മാത്രം യാത്ര ചെയ്തത് 1.20 കോടി യാത്രക്കാര്‍. റെക്കോഡ് സൃഷ്ടിച്ച് ആഭ്യന്തര വിമാന സര്‍വീസ്. കഴിഞ്ഞമാസം രാജ്യത്ത് വിമാനമാര്‍ഗം യാത്ര നടത്തിയത് 1.20 കോടിപ്പേരാണെന്നാണ് റിപ്പോര്‍ട്ട്. 2018 മേയിലെ 1.18 ശതമാനത്തെ അപേക്ഷിച്ച് 2.9 ശതമാനമാണ് വര്‍ദ്ധന. ഏപ്രിലില്‍ നേരിട്ട 4.5 ശതമാനം ഇടിവില്‍ നിന്നാണ് ഈ ഉയിര്‍ത്തെഴുന്നേല്‍പ്പ്. ജെറ്റ്് എയര്‍വേസ് പ്രവര്‍ത്തനം അവസാനിപ്പിച്ചതിന് ശേഷം, പുറത്തുവരുന്ന ആദ്യ സമ്ബൂര്‍ണ മാസക്കണക്കാണ് കഴിഞ്ഞമാസത്തേത്. സാമ്പത്തിക പ്രതിസന്ധിമൂലം കഴിഞ്ഞമാസമാണ് ജെറ്റ് എയര്‍വേസ് പൂര്‍ണമായും നിര്‍ത്തലാക്കിയത്

49 ശതമാനം വിപണി വിഹതമുള്ള ഇന്‍ഡിഗോയാണ് രാജ്യത്തെ ഏറ്റവും വലിയ വിമാനക്കമ്പനി. സ്പൈസ് ജെറ്റ് (14.8 ശതമാനം), എയര്‍ ഇന്ത്യ (13.5 ശതമാനം) എന്നിവയാണ് യഥാക്രമം രണ്ടും മൂന്നും സ്ഥാനത്ത്.