തിരുവനന്തപുരം: ദേശാഭിമാനി റെസിഡന്റ് എഡിറ്റര്‍ പിഎം മനോജിനെ മുഖ്യമന്ത്രിയുടെ അഡീഷണല്‍ പ്രൈവറ്റ് സെക്രട്ടറിയായി നിയമിച്ചു.പിആര്‍ഡിയുടേയും മാധ്യമങ്ങളുടേയും ചുമതലയാണ് പിഎം മനോജിനുള്ളത്. മുഖ്യമന്ത്രിയുടെ മാധ്യമ ഏകോപനം ശക്തമാക്കുന്നതിന്റെ ഭാഗമായാണ് പിഎം മനോജിനെ മുഖ്യമന്ത്രിയുടെ ഓഫീസില്‍ നിയമിച്ചതെന്നാണ് സിപിഎം നേതാക്കള്‍ വ്യക്തമാക്കുന്നത്.
മുഖ്യമന്ത്രിയുടെ അഡീഷണല്‍ പ്രൈവറ്റ് സെക്രട്ടറി ടി വേലായുധന്‍ രാജിവച്ചതിനെ തുടര്‍ന്നുണ്ടായ ഒഴിവിലേക്കാണ് പിഎം മനോജിന്റെ നിയമനം.ദേശാഭിമാനി ചീഫ് എഡിറ്റര്‍ പി രാജീവുമായുള്ള ഭിന്നതയെ തുടര്‍ന്നാണ് പി എം മനോജിനെ ദേശാഭിമാനിയില്‍ നിന്നും മാറ്റിയതെന്ന് പ്രചാരണങ്ങള്‍ ഉണ്ടായിരുന്നു.
Post Your Comments