തിരുവനന്തപുരം: പൈപ്പ് ലൈൻ പൊട്ടിയ റോഡിൽ മണൽ കയറ്റിവന്ന ലോറി താഴ്ന്നു. തിരുവനന്തപുരം അമ്പലമുക്കിൽ വാട്ടർ അതോറിറ്റി പൈപ്പ് പൊട്ടിയതിന് പിന്നാലെയാണ് ലോറി താഴ്ന്നത്. ഗതാഗത തടസം മൂലം ജനങ്ങൾ ഏറെ നേരം ബുദ്ധിമുട്ടിയെങ്കിലും മണിക്കൂറുകൾക്ക് ശേഷം ഗതാഗതം പുന:സ്ഥാപിച്ചു.
എന്നാൽ ജലവിതരണം പഴയ നിലയിലാവാൻ രാത്രിയാകും.സ്ഥിരമായി പൈപ്പ് പൊട്ടുന്ന അമ്പലമുക്ക്-മുട്ടട റോഡിൽ ഇന്നലെ രാത്രിയോടെയാണ് പൈപ്പ് പൊട്ടി വെള്ളം ചെറിയ രീതിയിൽ പുറത്തേക്കൊഴുകിയത്.ഏറെ നേരം പാട് പെട്ടാണ് ലോറി കുഴിയിൽ നിന്നും കയറ്റിയത്. പൈപ്പ് ലൈൻ പൊട്ടിയതിനാൽ മുട്ടട, പുത്തിപ്പാറ, ഉള്ളൂർ, കേശവദാസപുരം ഭാഗങ്ങളിലേക്കുള്ള ജലവിതരണം തടസ്സപ്പെട്ടു.
Post Your Comments