കളമശേരി: ഭിന്നശേഷിക്കാരിയായ സ്ത്രീയെ വിവാഹവാഗ്ദാനം നല്‍കി പീഡിപ്പിച്ച് മുങ്ങി മറ്റൊരു യുവതിയ്‌ക്കൊപ്പം താമസമാക്കിയ പ്രതിയെ പൊലീസ് പിടികൂടി. ഒളിവില്‍ പോയ പ്രതിയെ ആലപ്പുഴയില്‍ നിന്നാണ് കളമശേരി പോലീസ് പിടികൂടി. കളമശേരി വട്ടേക്കുന്നം പട്ടാളം നാസര്‍ റോഡില്‍ സിദ്ദിഖ് (47) ആണ് പിടിയിലായത്. വ്യാഴാഴ്ച രാത്രിയാണ് ആലപ്പുഴയില്‍ നിന്ന് ഇയാളെ പിടികൂടിയത്.
ശ്രവണ പരിമിതിയുള്ള സ്ത്രീയെ പീഡിപ്പിച്ചതായി പോലീസില്‍ പരാതി ലഭിച്ചതിനെത്തുടര്‍ന്ന് ഇയാള്‍ ഒളിവില്‍ പോവുകയായിരുന്നു. രണ്ടു മാസം മുമ്പാണ് സംഭവം നടന്നത്. പ്രതി രണ്ടു പ്രാവശ്യം മുന്‍കൂര്‍ ജാമ്യത്തിനു ശ്രമിച്ചങ്കിലും കോടതി തള്ളിയിരുന്നു. വിവാഹിതനായ പ്രതി ആലപ്പുഴയില്‍ മറ്റൊരു സ്ത്രീയോടൊപ്പം ഒളിച്ചു താമസിക്കുന്നതായാണ് പോലീസ് കണ്ടെത്തിയത്. കളമശേരി പോലീസിനു ലഭിച്ച രഹസ്യവിവരത്തിന്റെ അടിസ്ഥാനത്തിലാണ് പ്രതിയെ ആലപ്പുഴയില്‍ നിന്ന് അറസ്റ്റുചെയ്തത്. പ്രതിയെ കോടതിയില്‍ ഹാജരാക്കി.
Post Your Comments