ഇന്ത്യൻ ആരാധകർക്ക് നിരാശ ; ഇന്നത്തെ മത്സരം ഉപേക്ഷിച്ചു

ട്രെന്റ് ബ്രിഡ്ജ് : ലോകകപ്പിൽ മഴ വീണ്ടും വില്ലനായതോടെ ഇന്ത്യൻ ആരാധകരെ നിരാശയിലാഴ്ത്തികൊണ്ട് ഇന്നത്തെ ഇന്ത്യ-ന്യൂസിലൻഡ് മത്സരം ഉപേക്ഷിച്ചു. ഇരു ടീമുകൾക്കും ഓരോ പോയിന്റ് ലഭിച്ചു. മൂന്നു മത്സരങ്ങളിൽ നിന്നും അഞ്ചു പോയിന്റുമായി ഇന്ത്യ മൂന്നാം സ്ഥാനത്ത് എത്തി. നാല് മത്സരങ്ങളിൽ 7 പോയിന്റുമായി ഒന്നാം സ്ഥാനത്താണ് ന്യൂസിലൻഡ്.

Unfortunately, India's #CWC19 game against New Zealand has been called off due to the rain ?.

The points have been shared.#TeamIndia | #BackTheBlackcaps pic.twitter.com/Sr4qlzDriJ

— ICC Cricket World Cup (@cricketworldcup) June 13, 2019

നേരത്തെ, പാക്കിസ്ഥാന്‍- ശ്രീലങ്ക, ദക്ഷിണാഫ്രിക്ക- വെസ്റ്റ് ഇന്‍ഡീസ്, ശ്രീലങ്ക- ബംഗ്ലാദേശ് എന്നീ മത്സരങ്ങളും മഴ മൂലം ഉപേക്ഷിച്ചിരുന്നു. അതോടൊപ്പം തന്നെ മഴ കാരണം ഉപേക്ഷിച്ച മത്സരങ്ങളുടെ എണ്ണംകൊണ്ട് റെക്കോര്‍ഡിടുകയാണ് ഇംഗ്ലണ്ട് ലോകകപ്പ്. ടൂര്‍ണമെന്റില്‍ ഇതുവരെയുള്ള മത്സരങ്ങളിൽ തോല്‍ക്കാത്ത ടീമുകളാണ് ഇന്ത്യയും ന്യൂസിലന്‍ഡും.