കൊച്ചി : വാട്ടര്‍മെട്രോ പദ്ധതിയുടെ പേരിൽ ചീനവലകള്‍ നശിപ്പിക്കാൻ അനുവദിക്കില്ലെന്ന് ഹൈബി ഈഡന്‍ എംപി. ഒന്നോ രണ്ടോ ചീനവലകള്‍ മാറ്റി സ്ഥാപിക്കണമെങ്കില്‍ ഉടമകള്‍ക്ക് അര്‍ഹമായ നഷ്ടപരിഹാരം നല്‍കി ചെയ്യാമെന്നും അദ്ദേഹം പറഞ്ഞു.
വാട്ടര്‍മെട്രോ പദ്ധതിയുമായി ബന്ധപ്പെട്ട് ഇതുവരെ ഔദ്യോഗിക പരാതികളൊന്നും ലഭിച്ചിട്ടില്ല. പരാതി ലഭിച്ചാല്‍ ഇടപെടും. വാട്ടര്‍മെട്രോ നടപ്പാക്കണമെന്നുതന്നെയാണ് ആവശ്യം. എന്നാല്‍, അതിനായി കൊച്ചിയിലെ ചീനവലകള്‍ നശിപ്പിക്കാന്‍ അനുവദിക്കില്ല. മത്സ്യതൊഴിലാളികളുടെ പരമ്പരാഗത തൊഴില്‍ നശിപ്പിക്കാതെ മറ്റ് മാര്‍ഗങ്ങള്‍ കെഎംആര്‍എല്‍ ആലോചിക്കണമെന്നും ആദ്ദേഹം മാധ്യമങ്ങളോട് പറഞ്ഞു.
Post Your Comments