തിരുവനന്തപുരം: ബാലഭാസ്കറിന്റേത് അപകട മരണമല്ലെന്ന് കലാഭവന്‍ സോബി വെളിപ്പടുത്തി . വൈകാതെ തന്നെ ക്രൈംബ്രാഞ്ച് അന്വേഷണത്തില്‍ ഇക്കാര്യം തെളിയുമെന്നാണ് വിശ്വാസം. പോലീസ് പ്രകാശന്‍ തമ്പിയെ അറസ്റ്റ് ചെയ്ത ശേഷമാണ് സംശയം തോന്നി തുടങ്ങിയത്.
ബാലഭാസ്കറിന് അപകടം സംഭവിച്ച സ്ഥലത്ത് കണ്ടവരെക്കുറിച്ചുള്ള വിവരം പോലീസിന് കൈമാറി. അപകടം നടന്ന സ്ഥലത്തുണ്ടായിരുന്ന തിരിച്ചറിയാൻ കഴിയുമെന്നും കലാഭവൻ സോബി.ഇക്കാര്യം അന്വേഷണ ഉദ്യോഗസ്ഥരെ അറിയിച്ചുവെന്നും അദ്ദേഹം മാധ്യമങ്ങളോട് പറഞ്ഞു.
ബാലഭാസ്കറിന്റെ മരണത്തിനിടയാക്കിയ വാഹനാപകടം നടന്ന സമയത്ത് രണ്ട് പേര്‍ സ്ഥലത്ത് നിന്ന് ഓടിപ്പോകുന്നത് കണ്ടുവെന്നാണ് സോബി നേരത്തെ വെളിപ്പെടുത്തിയത്. ഈ സാഹചര്യത്തിലാണ് സോബിയുടെ മൊഴി ക്രൈംബ്രാഞ്ച് രേഖപ്പെടുത്തിയത്. തിരുവനന്തപുരം ഗാന്ധിനഗറില്‍ ഓഫീസില്‍ വിളിച്ചുവരുത്തിയാണ് മൊഴി രേഖപ്പെടുത്തിയത്. നേരത്തെ പറഞ്ഞ കാര്യങ്ങള്‍ മൊഴിയിലും സോബി ആവര്‍ത്തിച്ചു.
Post Your Comments