കോട്ടയം: കോട്ടയത്ത് പോലീസ് കസ്റ്റഡിയിലെടുത്ത യുവാവ് ജീവനൊടുക്കി. മദ്യപിച്ച്‌ ബഹളം ഉണ്ടാക്കിയത് പോലീസ് കസ്റ്റഡിയിലെടുത്ത മണര്‍കാട് സ്വദേശി നവാസ് ആണ് സ്റ്റേഷനിലെ ശുചിമുറിയില്‍ തൂങ്ങി മരിച്ചത്. കോട്ടയം മണര്‍കാട് പോലീസ് സ്റ്റേഷനിലാണ് സംഭവം നടന്നത്.
സഹോദരന്റെ പരാതിയിലാണ് തിങ്കളാഴ്ച രാത്രി നവാസിനെ പോലീസ് കസ്റ്റഡിയിലെടുത്തത്. രാത്രി മദ്യപിച്ച്‌ വീട്ടില്‍ ബഹളമുണ്ടാക്കിയിരുന്നു നവാസ്. തുടർന്ന് പോലീസ് എത്തി നവാസിനെ കസ്റ്റഡിയില്‍ എടുക്കുകയായിരുന്നു. രാത്രി തന്നെ ആശുപത്രിയിലെത്തിച്ച്‌ വൈദ്യ പരിശോധന നടത്തിയ ശേഷമാണ് ഇയാളെ സ്റ്റേഷനിലെത്തിച്ചത്. ഇന്ന് രാവിലെ കോടതിയില്‍ കൊണ്ടുപോകുന്നതിന് തൊട്ടുമുന്‍പാണ് ഇയാള്‍ ജീവനൊടുക്കിയത്.
സംഭവത്തെക്കുറിച്ച്‌ അന്വേഷിക്കാന്‍ സ്‌പെഷ്യൽ ബ്രാഞ്ചിനോട് നിർദ്ദേശിച്ചിട്ടുണ്ടെന്ന് കോട്ടയം എസ്പി വ്യക്തമാക്കി. യുവാവിന്റെ മരണത്തിൽ കുറ്റക്കാരായ എല്ലാ പോലീസുകാർക്കെതിരെയും നടപടി സ്വീകരിക്കുമെന്ന് ഡിജിപി ലോക്‌നാഥ് ബെഹ്‌റ വ്യക്തമാക്കി.
Post Your Comments