ചെന്നൈ: അണ്ണാ ഡിഎംകെ എംഎൽഎ പാർട്ടി പദവി രാജിവച്ചു.അണ്ണാ ഡിഎംകെയുടെ പോഷക സംഘടനയായ അമ്മ പേരാവൈയുടെ സംസ്ഥാന ജോയിന്റ് സെക്രട്ടറിയും പെരുന്തുരൈ മണ്ഡലത്തിലെ എംഎൽഎ യുവുമായ വെങ്കിടാചലമാണ് പാർട്ടി പദവിയിൽനിന്ന് രാജിവെച്ചത്.
മുഖ്യമന്ത്രി എടപ്പാടി പളനിസ്വാമിയെ നേരിൽ കണ്ട് അദ്ദേഹം രാജിക്കത്ത് നൽകി. വ്യക്തിപരമായ കാരണങ്ങളാലാണ് രാജിയെന്നാണ് വ്യക്തമാക്കിയിരിക്കുന്നത്.നേതൃപദവി ഒഴിഞ്ഞാലും താൻ പാർട്ടി പ്രവർത്തകനായി തുടരുമെന്ന് അദ്ദേഹം വ്യക്തമാക്കി.
ഒരു വർഷം മുൻപാണ് ഇദ്ദേഹത്തിന് അമ്മാ പേരാവൈയുടെ നേതൃസ്ഥാനം നൽകിയത്. രാജിയുടെ കാരണം സമയമാകുമ്പോൾ പറയുമെന്ന് അദ്ദേഹം മാധ്യമങ്ങളോട് പറഞ്ഞു.
Post Your Comments