തിരുവനന്തപുരം: കാസര്‍കോട് മണ്ഡലത്തിലെ നാലു ബൂത്തുകളില്‍ റീപോളിംഗ് നടത്താനുള്ള തെരഞ്ഞെടുപ്പ് കമ്മീഷന്റെ തീരുമാനത്തില്‍ പ്രതികരിച്ച് വ്യാവസായിക വകുപ്പ് മന്ത്രി ഇ.പി ജരാജന്‍. തെരഞ്ഞെടുപ്പ് കമ്മീഷന്റെ ഏത് തീരുമാനത്തേയും സ്വാഗതം ചെയ്യുന്നതായി അദ്ദേഹം അറിയിച്ചു.
കാസര്‍കോട് മണ്ഡലത്തില്‍ റീപോളിംഗ് നടത്താനുള്ള നടപടി തെരഞ്ഞെടുപ്പ് കമ്മീഷന്റെ ശരിയായ ഇടപെടലാണെന്ന് ബിജെപി സ്ഥാനാര്‍ത്ഥി രവീശ തന്ത്രി പറഞ്ഞു.
അതേസമയം പരാതി ഉയര്‍ന്ന എല്ലാ ബൂത്തുകളിലും കൂടുതല്‍ പരിശോധന വേണമെന്നാണ് സിപിഎമ്മിന്റെ ആവശ്യം.
ലോക്‌സഭ തെരഞ്ഞെടുപ്പില്‍ കള്ളവോട്ട് നടന്നുവെന്ന് കണ്ടെത്തിയ കാസര്‍കോട് മണ്ഡലത്തിലെ നാല് ബൂത്തുകളില്‍ റീപോളിംഗ് നടത്തുക. കല്യാശ്ശേരി,പയ്യന്നൂര്‍ നിയമസഭാ മണ്ഡലങ്ങളിലെ ബൂത്തുകളിലാണ് റീപോളിംഗ് നടത്തുക..കല്യാശ്ശേരിയിലെ 19,69,70 നമ്പര്‍ ബൂത്തുകളിലും പയ്യന്നൂരിലെ 48ാംമത് ബൂത്തിലുമാണ് റീപോളിംഗ് നടത്തുന്നത്.റീപോളിംഗ് സംബന്ധിച്ച് തെരഞ്ഞെടുപ്പ് കമ്മീഷന്‍ ഇന്ന് പ്രഖ്യാപനം നടത്തും.
Post Your Comments