ബേണ്‍വുഡ്(ഇംഗ്ലണ്ട്): രണ്ട്മാസം പ്രായമായ കുഞ്ഞിനെ മാതാപിതാക്കള്‍ കൊന്നതിന്റെ കാരണം കണ്ടെത്തി. ലൈംഗികബന്ധത്തിന് തടസ്സമാണെന്നറിഞ്ഞ് കുഞ്ഞിനെ മാതാപിതാക്കള്‍ ചേര്‍ന്ന് കൊലപ്പെടുത്തുകയായിരുന്നു എന്നാണ് പോലീസ് വെളിപ്പെടുത്തുന്നത്. ലൈംഗികബന്ധത്തിലേര്‍പ്പെടുന്നതിനിടെ കുഞ്ഞുണര്‍ന്ന് കരഞ്ഞപ്പോള്‍ ഇരുവരും കൂടി തലയിണ കുഞ്ഞിന്റെ മേല്‍ അമര്‍ത്തുകയായിരുന്നെന്നാണ് അന്വേഷണസംഘം കണ്ടെത്തിയത്. സംഭവം നടക്കുമ്പോള്‍ ഇവര്‍ മദ്യലഹരിയിലായിരുന്നു.
2014 ലാണ് രണ്ട് മാസം മാത്രം പ്രായമുള്ള ടെയ്ലര്‍ മോര്‍ഗന്‍ എന്ന കുഞ്ഞ് മരിച്ചത്. സംഭവം നടക്കുമ്പോള്‍ എമ്മയ്ക്ക് പതിനെട്ടും ലൂക്കിന് ഇരിപത്തിരണ്ടും വയസ്സായിരുന്നു പ്രായം. മരണസമയത്ത് കുഞ്ഞിന്റെ വാരിയെല്ലുകള്‍ പൊട്ടിയ നിലയിലായിരുന്നു. ശ്വാസംമുട്ടിയാണ് കുഞ്ഞ് മരിച്ചതെന്നും പോസ്റ്റ്മോര്‍ട്ടത്തില്‍ തെളിഞ്ഞു. തുടര്‍ന്നാണ് മാതാപിതാക്കളായ എമ്മാ കോള്‍, ലൂക്ക് മോര്‍ഗന്‍ എന്നിവരിലേക്ക് അന്വേഷണം തിരിഞ്ഞത്. ഒടുവില്‍ ഈ ഞെട്ടിപ്പിക്കുന്ന സത്യങ്ങള്‍ അന്വേഷണ സംഘം തെളിയിക്കുകയായിരുന്നു. ഈ കേസില്‍ ജൂണ്‍ 21നാണ് വിധി പറയുക.
Post Your Comments