മാവേലിക്കര: നിയന്ത്രണം വിട്ട ബൈക്ക് പോസ്റ്റില്‍ ഇടിച്ച് യുവാവ് മരിച്ചു. ചെന്നിത്തല തത്തേടത്ത് പുത്തന്‍വീട്ടില്‍ കൊച്ചുനാണുവിന്റെ മകന്‍ മഹേഷ്‌കുമാര്‍ (38) ആണ് മരിച്ചത്. മാവേലിക്കര പുഷ്പാ ജംഗ്ഷനില്‍ ഇന്നലെ വൈകീട്ട് 4.45 നായിരുന്നു അപകടം.
മാവേലിക്കര ഭാഗത്തുനിന്നും തട്ടാരമ്പലം ഭാഗത്തേക്ക് പോകുകയായിരുന്ന ബൈക്ക് നിയന്ത്രണം വിട്ട് സമീപത്തെ വൈദ്യുത പോസ്റ്റില്‍ ഇടിക്കുകയായിരുന്നു. തലയ്ക്ക് ഗുരുതരമായി പരിക്കേറ്റ ഇയാളെ മാവേലിക്കര ജില്ലാ ആശുപത്രിയിലും തുടര്‍ന്ന് വണ്ടാനം മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
Post Your Comments