കൊല്ലത്തും സി.പി.എം കള്ളവോട്ട് ചെയ്‌തെന്ന ആരോപണവുമായി യു.ഡി.എഫ്. കള്ളവോട്ട് പരിശോധിക്കണമെന്നാവശ്യപ്പെട്ട് മുഖ്യതെരഞ്ഞെടുപ്പ് ഓഫീസര്‍ക്ക് യു.ഡി.എഫ് പരാതി നല്‍കി. സ്ഥലം മാറ്റത്തിന് അപേക്ഷ ക്ഷണിച്ച് കൊല്ലം സിറ്റി പൊലീസ് കമ്മീഷണര്‍ പുറത്തിറക്കിയ ഉത്തരവ് റദ്ദാക്കണമെന്നും യു.ഡി.എഫ് ആവശ്യപ്പെട്ടു.
പ്രശ്‌ന ബാധിത ബൂത്തുകളില്‍ ക്യാമറാസ്ഥാപിക്കണമെന്ന ആവശ്യം നടപ്പായില്ലെന്നും യു.ഡി.എഫ് ആരോപിക്കുന്നു. സ്ഥലംമാറ്റത്തിനു അപേക്ഷ ക്ഷണിച്ച് കൊല്ലം സിറ്റി പൊലീസ് കമ്മീഷണര്‍ പുറത്തിറക്കിയ ഉത്തരവ് തിരഞ്ഞെടുപ്പ് ചട്ടലംഘനമാണെന്നും യു.ഡി.എഫ് ആരോപിക്കുന്നു. കൊല്ലം ലോക്‌സഭാ മണ്ഡലത്തില്‍ അഞ്ച് കള്ളവോട്ട് നടന്നെന്ന് തെരഞ്ഞെടുപ്പ് ദിവസം തന്നെ കണ്ടെത്തിയിരുന്നു.
ഇതിനു പിന്നാലെയാണ് കൂടുതല്‍ സ്ഥലങ്ങളില്‍ കള്ളവോട്ട് നടന്നെന്ന് യു.ഡി.എഫ് പരാതി നല്‍കിയത്. കടയ്ക്കല്‍, കുമിള്‍ എന്നീ പഞ്ചായത്തുകളില്‍ വ്യാപകമായി കള്ളവോട്ട് നടന്നു.വിഷയത്തില്‍ നടപടി സ്വീകരിക്കണമെന്നാവശ്യപ്പെട്ട് മുഖ്യതെരഞ്ഞെടുപ്പ് ഓഫീസര്‍ക്കും കൊല്ലം ജില്ലാ കലക്ടര്‍ക്കും യു.ഡി.എഫ് പരാതി നല്‍കി.
Post Your Comments