കൊല്‍ക്കട്ട: സിആര്‍പിഎഫ് ക്യാമ്ബില്‍ വെടിവെപ്പ്. ഒരു ജവാന്‍ കൊല്ലപ്പെട്ടു. പശ്ചിമ ബംഗാളിലെ ഹൗറയിലെ സിആര്‍പിഎഫ് ക്യാമ്ബിലാണ് സംഭവം. വെടിവെയ്പ്പിൽ രണ്ട് ജവാന്‍മാര്‍ക്ക് പരിക്കേറ്റതായും റിപ്പോര്‍ട്ടുണ്ട്. എന്നാല്‍ വെടിവെപ്പ് സംബന്ധിച്ച്‌ ഔദ്യോഗിക സ്ഥിരീകരണം വന്നിട്ടില്ല. ഭോലാനാഥ് എന്ന ജവാനാണ് വെടിവെപ്പില്‍ കൊല്ലപ്പെട്ടത്. ലക്ഷ്മികാന്ത് ബര്‍മന്‍ എന്ന ജവാനാണ് വെടിയുതിര്‍ത്തതെന്നാണ് പുറത്തുവരുന്ന വിവരങ്ങള്‍.
സംഭവത്തെ തുടർന്ന് ഇയാളെ കസ്റ്റഡിയിലെടുത്തിട്ടുണ്ട്. പരിക്കേറ്റവരെ ആശുപത്രിയിലേക്ക് മാറ്റി. ലക്ഷ്മികാന്ത് ബര്‍മന്‍ വെടിയുതിര്‍ക്കാനുള്ള കാരണമെന്തെന്ന് വ്യക്തമല്ല. ലോക്‌സഭാ തിരഞ്ഞെടുപ്പിന്റെ ഭാഗമായി ഹൗറ മണ്ഡലത്തിലെ സുരക്ഷാ ചുമതലകള്‍ക്കായാണ് സിആര്‍പിഎഫിനെ വിന്യസിച്ചിരിക്കുന്നത്. കൂടുതൽ വിവരം ലഭ്യമല്ല.
Post Your Comments