ഇന്ത്യന്‍ സിനിമയില്‍ ഒട്ടേറെ മികച്ച കഥാപാത്രങ്ങള്‍ക്ക് ജീവന്‍ പകര്‍ന്ന താരമാണ് തപ്‌സി. സ്വന്തം അഭിപ്രായങ്ങള്‍ പ്രകടിപ്പിക്കാനും സമൂഹമധ്യത്തില്‍ ഉറക്കെ പറയാനും മടികാട്ടാത്ത താരം കൂടിയാണ് അവര്‍. സാന്‍ഡ് കി ആങ്ക് എന്ന സിനിമയിലാണ് തപ്‌സി ഇപ്പോള്‍ അഭിനയിച്ചുകൊണ്ടിരിക്കുന്നത്. ഒരു ആരാധിക ലൊക്കേഷനില്‍ തപ്‌സിയെ കാണാനെത്തിയതാണ് ഇപ്പോള്‍ വാര്‍യായിരിക്കുന്നത്.
നിമിഷ എന്ന യുവ ആരാധികയാണ് തപ്‌സിയെ കാണാനെത്തിയത്. താരത്തിന് ഒരു സമ്മാനവും അവളുടെ കൈയ്യില്‍ ഉണ്ടായിരുന്നു. തപ്‌സി എങ്ങനെയാണ് ഒരു പ്രചോദനമാകുന്നത് എന്ന് എഴുതിയ കുറിപ്പ് സമ്മാനിക്കാനാണ് നിമിഷ എത്തിയത്. ഇരുവരും ഒന്നിച്ചുള്ള ഫോട്ടോ തപ്‌സി ഷെയര്‍ ചെയ്യുകയും ചെയ്തു. ഇത് ആരാധകര്‍ ഏറ്റെടുത്തിരിക്കയാണ്. തുഷാര്‍ സംവിധാനം ചെയ്യുന്ന സാന്‍ഡ് കി ആങ്ക് എന്ന ഈ ചിത്രം ഇന്ത്യയുടെ ഏറ്റവും പ്രായമുള്ള ഷാര്‍പ്ഷൂട്ടര്‍മാരുടെ കഥയാണ് പറയുന്നത്.
Post Your Comments