കോതമംഗലം: സ്വകാര്യ പ്ലൈവുഡ് കമ്പനിയിൽ തീപിടുത്തം, വാരപ്പെട്ടിയിൽ സ്വകാര്യ പ്ലൈവുഡ് കമ്പനിക്ക് തീപിടിച്ച് ഏഴ് തൊഴിലാളികൾക്ക് പൊള്ളലേറ്റു. പഞ്ചായത്ത് ഓഫീസിന് സമീപത്ത് പ്രവർത്തിക്കുന്ന കമ്പനിയിലാണ് തീപിടുത്തമുണ്ടായത്. തിങ്കളാഴ്ച അർധരാത്രിയാണ് സംഭവം.
കോതമംഗലത്തെ ഫാക്ടറിക്കുള്ളിലെ ബോയിലറിനിൽ നിന്നാണ് തീ പടർന്നത് . വൈദ്യുതി ഷോർട്ട് സർക്യൂട്ടാണ് കാരണമെന്നാണ് നിഗമനം . കോതമംഗലം, മൂവാറ്റുപുഴ എന്നിവിടങ്ങളിൽനിന്ന് എത്തിയ അഗ്നിശമന സേനാംഗങ്ങളാണ് തീ നിയന്ത്രണവിധേയമാക്കിയത് . തക്കസമയത്ത് തീയണയ്‌ക്കാൻ കഴിഞ്ഞതിനാലാണ് വലിയ ദുരന്തം ഒഴിവായത്. അപകട സമയത്ത് കമ്പനിയിലുണ്ടായിരുന്ന ഇതര സംസ്ഥാന തൊഴിലാളികൾക്കാണ് പൊള്ളലേറ്റത്. ആരുടെയും നില ഗുരുതരമല്ല.
Post Your Comments