പാലക്കാട്: ചിറ്റൂരില്‍ എക്‌സൈസിന്റെ വാഹന പരിശോധനയ്ക്കിടെ സ്പിരിറ്റ് പിടിച്ചു. ഒരാളെ അറസ്റ്റ് ചെയ്തു. 525 ലിറ്റര്‍ സ്പിരിറ്റാണ് പിടിച്ചത്. കാറിലായിരുന്നു സ്പിരിറ്റ് കടത്താന്‍ ശ്രമിച്ചത്. കാറില്‍ 35 ലിറ്ററിന്റെ 15 കന്നാസുകളിലായി കടത്താന്‍ ശ്രമിച്ച സ്പിരിറ്റാണ് പിടിച്ചെടുത്തത്.
കാറിലുണ്ടായിരുന്ന മണി എന്നയാളെ എക്സൈസ് സംഘം അറസ്റ്റ് ചെയ്തു. തത്തമംഗലം സ്വദേശിയാണ് മണി. കാറോടിച്ചിരുന്ന അത്തിമണി അനില്‍ എന്നയാള്‍ ഓടി രക്ഷപെട്ടു. ഇയാള്‍ക്കായി പോലീസ് തെരച്ചില്‍ തുടങ്ങിയിട്ടുണ്ട്. രഹസ്യവിവരത്തെ തുടര്‍ന്ന് എക്സൈസ് നടത്തിയ പരിശോധനയിലാണ് സ്പിരിറ്റ് പിടിച്ചത്. ഇതിന്റെ പിന്നിലുള്ള ആളുകള്‍ക്ക് വേണ്ടിയുള്ള അന്വേഷണത്തിലാണ് പോലീസ്. ഇനിയും സ്പിരിറ്റ് ഉണ്ടോയെന്നുള്ള തിരച്ചിലിലാണ് പോലീസ്.
Post Your Comments