കോതമംഗലം: അനീഷ ആ ഇന്‍ഡിക്കേറ്റര്‍ ഇട്ട് കാത്ത് നിന്നത് മരണത്തെയായിരുന്നു. സ്‌കൂട്ടറില്‍ വീട്ടിലേയ്ക്ക് തിരിയാന്‍ ഇന്‍ഡിക്കേറ്റര്‍ ഇട്ടതും പിന്നില്‍ നിന്നും വന്ന ടാങ്കര്‍ലോറി ഇടിച്ചുതെറിപ്പിക്കുകയായിരുന്നു.
സ്‌കൂട്ടര്‍ യാത്രക്കാരിയായ പുതുപ്പാടി ചിറപ്പടി പഴംപിള്ളിത്താഴം അജാസിന്റെ ഭാര്യ അനീഷ(31)യാണ് ഇന്ന് വൈകിട്ട് 3.45 ന് കൊച്ചി-ധനുഷ്‌കോടി ദേശീയപാതയിലുണ്ടായ അപകടത്തില്‍ മരിച്ചത്.വീട്ടിലേക്ക് തിരിയാനുള്ള വഴിയില്‍ ഇന്‍ഡിക്കേറ്റര്‍ ഇട്ടുനിന്ന അലീഷയെ പിന്നില്‍ നിന്നെത്തിയ ടാങ്കര്‍ ലോറി ഇടിച്ച് വീഴ്ത്തുകയായിരുന്നു.ഉടന്‍ മൂവാറ്റുപുഴയിലെ സ്വകാര്യ ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു.ഭര്‍ത്താവ് അജാസ് സൗദിയിലാണ്.മക്കള്‍: അമാന്‍,അര്‍ഫാന്‍.
Post Your Comments