കര്‍ണാടക എസ്.എസ്.എല്‍.സി ഫലം പ്രസിദ്ധീകരിച്ചു ;രണ്ട് പെണ്‍കുട്ടികള്‍ക്ക് മുഴുവൻ മാർക്ക്

ബെംഗളൂരു: കര്‍ണാടക സെക്കന്‍ഡറി എജ്യുക്കേഷന്‍ എക്‌സാമിനേഷന്‍ ബോര്‍ഡ് നടത്തിയ പത്താം ക്ലാസ് പരീക്ഷ ഫലം പ്രസിദ്ധീകരിച്ചു.8.41 ലക്ഷം വിദ്യാര്‍ഥികൾ പങ്കെടുത്ത പരീക്ഷയിൽ 73.7 ആണ് വിജയ ശതമാനം. 625ല്‍ 625 മാര്‍ക്കും നേടി രണ്ട് പെണ്‍കുട്ടികളാണ് ഒന്നാമതെത്തിയത്. ശ്രുജന ഡി, നാഗാഞ്ജലി പരമേശ്വര നായിക് എന്നിവരാണ് പെൺ കരുത്ത് വിളിച്ചോതി ഒന്നാം സ്ഥാനത്തെത്തിയത്.

മാര്‍ച്ച് 21 മുതല്‍ ഏപ്രില്‍ നാല് വരെ നടന്ന പരീക്ഷയിൽ 8,54,424 പേരാണ് പങ്കെടുത്തത്.പരീക്ഷ എഴുതിയ പെണ്‍കുട്ടികളില്‍ 78.01% വിജയിച്ചു. ആണ്‍കുട്ടികളില്‍ 66.56% ആണ് വിജയിച്ചത്.എട്ട് വിദ്യാര്‍ത്ഥികള്‍ക്ക് 625ല്‍ 624 മാര്‍ക്ക് ലഭിച്ചപ്പോൾ 12 പേര്‍ 623 മാര്‍ക്കും നേടിയതായി കര്‍ണാടക സെക്കന്‍ഡറി എഡ്യൂക്കേഷന്‍ ബോര്‍ഡ് വ്യക്തമാക്കി.

പരീക്ഷാ ഫലത്തിനായി karresults.nic.in സന്ദർശിക്കുക