മലപ്പുറം: കാൽനട യാത്രക്കാരനെ കെഎസ്ആർടിസി ബസ് ഇടിച്ച് തെറിപ്പിച്ചു. പെരിന്തൽമണ്ണയിലാണ് സംഭവമുണ്ടായത്. മദ്യലഹരിയിലായിരുന്ന ഡ്രൈവറെ യാത്രക്കാർ പിടികൂടി പൊലീസിൽ ഏൽപ്പിച്ചു. ചിറ്റൂർ – കൽപ്പറ്റ റൂട്ടിൽ സർവ്വീസ് നടത്തിവന്ന ബസിലെ ഡ്രൈവർ എം. സന്തോഷ്കുമാറാണ് പിടിയിലായത്. ഇയാളുടെ ബാഗിൽ നിന്നും മദ്യക്കുപ്പിയും കണ്ടെടുത്തു. കാൽനടക്കാരനെ ബസ് ഇടിച്ചുതെറിപ്പിച്ചതിന് പിന്നാലെ യാത്രക്കാർ നടത്തിയ പരിശോധനയിൽ ഡ്രൈവർ മദ്യപിച്ചതായി കണ്ടെത്തുകയായിരുന്നു.
Post Your Comments