വിമാനവാഹിനി കപ്പലിൽ തീപിടിത്തം : നാവിക ഉദ്യോഗസ്ഥന്‍ മരിച്ചു

കാര്‍വാര്‍: ഇന്ത്യയുടെ ഏക വിമാനവാഹിനി കപ്പലായ ഐ.എന്‍.എസ് വിക്രമാദിത്യയിലുണ്ടായ തീപിടിത്തത്തിൽ നാവിക ഉദ്യോഗസ്ഥന്‍ മരിച്ചു. ലഫ്. കമാന്‍ഡര്‍ ഡി.എസ്. ചൗഹാനാണ് മരിച്ചത്. ഇന്ന് രാവിലെ കര്‍ണാടകയിൽ കാർവാറിലെ തുറമുഖത്തേക്കു കപ്പല്‍ പ്രവേശിക്കാന്‍ ഒരുങ്ങുന്നതിനിടെയാണ് അപകടമുണ്ടായതെന്നു വാര്‍ത്താക്കുറപ്പിലൂടെ നാവികസേന അറിയിച്ചു.

Indian Navy: One officer dead during fire fighting ops onboard aircraft carrier INS Vikramaditya in Karwar, Karnataka. Navy has ordered a Board of Inquiry to probe the incident. Fire was controlled by its crew preventing any serious damage to the warship’s combat capability. pic.twitter.com/gkO0XfglXm

— ANI (@ANI) April 26, 2019

കപ്പലില്‍ തീ പടര്‍ന്നു പിടിക്കുന്നത് അണയ്‌ക്കാന്‍ ശ്രമിക്കുന്നതിനിടെ പുക ശ്വസിച്ച ഡി.എസ്. ചൗഹാന്‍ ബോധരഹിതനാവുകയായിരുന്നു. ആശുപത്രിയിലെത്തിച്ചെങ്കിലും രക്ഷിക്കാനായില്ല. യുദ്ധക്കപ്പലിന് കാര്യമായ കേടുപാടുകൾ സംഭവിക്കുന്നതിന് മുമ്പ് തീ അണച്ചുവെന്നും സംഭവത്തില്‍ അന്വേഷണം പ്രഖ്യാപിച്ചിട്ടുണ്ടെന്നും നേവി അധികൃതര്‍ പറഞ്ഞു.