ഡൽഹി : ലോക്‌സഭാ തെരഞ്ഞെടുപ്പിൽ ഡൽഹിയിൽ ആം ആദ്മി പാർട്ടിയുമായി കോൺഗ്രസിന് സഖ്യമില്ലെന്നും സ്ഥാനാര്‍ഥികളെ ഉടന്‍ പ്രഖ്യാപിക്കുമെന്നും സംസ്ഥാന കോണ്‍ഗ്രസ് അധ്യക്ഷ ഷീല ദീക്ഷിത് പറഞ്ഞു. ഇന്നോ നാളെയോ സ്ഥാനാര്‍ഥികളെ പ്രഖ്യാപിക്കുമെന്ന് ഷീല ദീക്ഷിത് പറഞ്ഞു.
തെരഞ്ഞെടുപ്പുമായി ബന്ധപ്പെട്ട് ഡൽഹി പ്രദേശ് കോണ്‍ഗ്രസ് കമ്മിറ്റി ഓഫീസില്‍ ആരംഭിച്ച കണ്‍ട്രോള്‍ റൂമിന്‍റെ ഉദ്ഘാടനം നിര്‍വഹിച്ച ശേഷം മാധ്യമങ്ങളോട് സംസാരിക്കുകയായിരുന്നു അവര്‍. കഴിഞ്ഞ ദിവസം എഎപിയും സഖ്യത്തിനുള്ള സാധ്യതകള്‍ അടഞ്ഞതായി അറിയിച്ചിരുന്നു.
ഡല്‍ഹിയിലെ സീറ്റുകള്‍ സംബന്ധിച്ച്‌ ധാരണ ഉണ്ടായെങ്കിലും ഹരിയാന, പഞ്ചാബ്, ഗോവ എന്നിവിടങ്ങളില്‍ സഖ്യം വേണമെന്ന എഎപിയുടെ ആവശ്യത്തോട് കോണ്‍ഗ്രസ് മുഖം തിരിച്ചിരുന്നു.ഡല്‍ഹിയിലെ ഏഴു സീറ്റുകളില്‍ നാലെണ്ണം ആം ആദ്മി പാര്‍ട്ടിക്കു നല്കാമെന്നു കോണ്‍ഗ്രസ് സമ്മതിച്ചതാണ്. എന്നാൽ സഖ്യം ഡല്‍ഹിയില്‍ മാത്രമാണെങ്കിൽ രണ്ട് സീറ്റുകൾ നൽകാമെന്നായിരുന്നു ആം ആദ്മിയുടെ വ്യക്തമാക്കിയത്.
Post Your Comments