കോട്ടയം: കോട്ടയം ടിബി ജങ്ഷനിലെ നാലുനില കെട്ടിടത്തിനുളളില്‍ ഇതര സംസ്ഥാന തൊഴിലാളിയെ മരിച്ച നിലയില്‍ കണ്ടെത്തി. കെട്ടിടത്തിന്റെ മൂന്നാം നിലയില്‍ കമിഴ്ന്നുകിടക്കുന്ന നിലയിലായിരുന്നു മൃതദേഹം.
മരിച്ച ആളെ തിരിച്ചറിഞ്ഞിട്ടില്ല.തലയില്‍ മുറിവേറ്റ പാടുണ്ട്. സംഭവസ്ഥലത്ത് രക്തക്കറകളുണ്ട്.കൊലപാതകമാണെന്ന് പോലീസ് സംശയിക്കുന്നു. . നിര്‍മാണം നടക്കുന്ന കെട്ടിടത്തിനുളളിലാണ് മൃതദേഹം കണ്ടത്.
ഇന്ന് രാവിലെ ഒന്‍പതേകാലോടെ പണിക്കായി ഇവിടെയെത്തിയ തൊഴിലാളികളാണ് മൃതദേഹം ആദ്യം കണ്ടത്.വെസ്റ്റ് പോലീസ് സ്ഥലത്തെത്തി ഇന്‍ക്വസ്റ്റ് ആരംഭിച്ചു. കഴിഞ്ഞ ദിവസം കെട്ടിടത്തില്‍ പണിക്കെത്തിയിരുന്നവരുടെ വിവരങ്ങള്‍ പോലീസ് ശേഖരിച്ചുവരികയാണ്
Post Your Comments