ജനപ്രീതി നേടിയ ‘തുപ്പറിവാളന്‍’ , ‘ഇരുമ്പ് തിരൈ’ എന്നീ ആക്ഷന്‍ ത്രില്ലര്‍ സിനിമകള്‍ക്ക് ശേഷം വിശാല്‍ ആക്ഷന്‍ ഹീറോ ആയി അഭിനയിക്കുന്ന ‘അയോഗ്യാ’ മെയ് 10 ന് ലോകമെമ്പാടും പ്രദര്‍ശനത്തിനെത്തുന്നു. പ്രശസ്ത സംവിധായകന്‍ എ ആര്‍ മുരുകദാസിന്റെ സഹസംവിധായകനായ വെങ്കട്ട് മോഹന്‍ ആദ്യമായി സംവിധാനം നിര്‍വഹിക്കന്ന ‘അയോഗ്യാ’ ലൈറ്റ് ഹൗസ് മൂവി മേക്കേഴ്സിന്റെ ബാനറില്‍ നിര്‍മ്മിക്കുന്നത് ടാഗോര്‍ മധുവാണ്. റാഷി ഖന്നയാണ് ചിത്രത്തില്‍ വിശാലിന്റെ നായിക. ‘അയോഗ്യാ’യില്‍ ദ്വിമുഖ വ്യക്തിത്വമുള്ള പോലീസ് ഓഫീസര്‍ നായക കഥാപാത്രത്തെയാണ് വിശാല്‍ അവതരിപ്പിക്കുന്നത്.
‘ഇത് ഒരു പതിവ് പോലീസ് കഥയല്ല.ഒരു ദുഷ്ടന്‍ എങ്ങനെ നല്ലവനായി മാറുന്നു. നല്ലവനായ ശേഷം അവന്‍ എന്ത് ചെയ്തു . ഇക്കാര്യങ്ങള്‍ ഉള്ളടക്കിയ ഒരു പ്രമേയമാണ് ‘അയോഗ്യാ’യുടേത് . ക്രൂരനായ പോലീസ് നല്ല പോലീസ് ആയി എന്നതല്ല കഥ. പണത്തിനു വേണ്ടി പോലീസ് ആയ ഒരുത്തന്‍. അവനറിയാതെ തന്നെ ധാരാളം തെറ്റുകള്‍ ചെയ്യുന്നു. അതിന് അവന്‍ എന്ത് പരിഹാരം ചെയ്യുന്നു എന്നതാണ് പ്രതിപാദ വിഷയം. ചുരുക്കി പറഞ്ഞാല്‍ ഒരു രാക്ഷസന്‍ എങ്ങനെ മഹാനായി എന്നതാണ് കഥ.
ഈ ഒരു വിഷയം മറ്റൊരു സിനിമയിലും പ്രതിപാദിച്ചിട്ടുണ്ടവില്ല എന്നാണ് എനിക്ക് തോന്നുന്നത്. തെലുങ്കില്‍ വന്‍ വിജയം നേടിയ ‘ടെമ്പര്‍ ‘എന്ന സിനിമയുടെ തമിഴ് പുനരാവിഷ്‌ക്കാരമാണ് ‘അയോഗ്യാ’. എന്നാല്‍ തിരക്കഥയില്‍ വലിയ മാറ്റങ്ങള്‍ വരുത്തി , പുതിയ ഒരു ക്ലൈമാക്സോടെയാണ് ‘അയോഗ്യാ ‘ ദൃശ്യവല്‍ക്കരിച്ചിരിക്കുന്നത് . ഈ ചിത്രത്തിലെ വിശാലിന്റെ പ്രത്യേക മാനറിസങ്ങളും, സ്‌റ്റൈലും ,ആക്ഷന്‍ രംഗങ്ങളും പുതുമയാര്‍ന്നതാണ് .’
സച്ചു, പൂജാ ദേവരിയ, ആര്‍ പാര്‍ത്ഥിപന്‍, കേ എസ് രവികുമാര്‍, വംശി കൃഷ്ണാ എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ചിത്രത്തിന്റെ ടീസര്‍ പറത്തിറങ്ങി ഏതാനും ദിവങ്ങള്‍ക്കുള്ളില്‍ ആറ് മില്ല്യന്‍ കാണികളെ ലഭിച്ചു എന്നത് ശ്രദധേയമാണ്. രാം- ലക്ഷ്മണ്‍ ഇരട്ടകളാണ് ‘അയോഗ്യാ’യിലെ ത്രസിപ്പിക്കുന്ന സംഘട്ടന രംഗങ്ങള്‍ ഒരുക്കിയിരിക്കുന്നത്. ജി കെ വിഷ്ണു ഛായാഗ്രഹണവും സാം സി എസ് സംഗീത സംവിധാനവും നിര്‍വഹിച്ചിരിക്കുന്നു.
Post Your Comments