കൊല്ലം: സ്വകാര്യ റിസോര്‍ട്ടില്‍ തീപിടുത്തം. ചവറ തെക്കുംഭാഗത്ത് സ്വകാര്യ റിസോര്‍ട്ടില്‍ പുലര്‍ച്ചെ നാലോടെയാണ് തീപിടിത്തമുണ്ടായത്. റൂമുകളിലുണ്ടായിരുന്ന വിനോദ സഞ്ചാരികളെ റിസോര്‍ട്ട് അധികൃതര്‍ സുരക്ഷിത സ്ഥാനങ്ങളിലേക്ക് മാറ്റിയതിനാല്‍ ആളപായമുണ്ടായില്ല. കായലില്‍ മത്സ്യബന്ധനം നടത്തുന്ന തൊഴിലാളികളാണ് തീ പടരുന്നത് ആദ്യം കണ്ടത്. അവര്‍ റിസോര്‍ട്ടുകാരെ വിവരം അറിയിക്കുകയായിരുന്നു.
അഗ്നിശമന സേനയുടെ ഏഴ് യൂണിറ്റ് എത്തി തീ നിയന്ത്രണ വിധേയമാക്കി. രണ്ട് ഫ്ലോട്ടിംഗ് ഹൗസുകള്‍ പൂര്‍ണമായും കത്തിനശിച്ചു. കൂടുതല്‍ ഫയര്‍ഫോഴ്സ് യൂണിറ്റെത്തി തീ കെടുത്തിയതിനാല്‍ മൂന്നാമത്തെ ഫ്ലോട്ടിംഗ് ഹൗസിലേക്ക് തീ പടരുന്നത് തടയാൻ സാധിച്ചു. പത്തോളം ഫ്ലോട്ടിംഗ് ഹൗസുകളാണ് കായലിലുണ്ടായിരുന്നത്.
Post Your Comments