ദില്ലിയിലെ വനിതാ പൊലീസുകാര്‍ സൂപ്പറാ; വീഡിയോ കാണാം

ന്യൂഡല്‍ഹി:സോഷ്യല്‍ മീഡിയയില്‍ താരങ്ങളായി മാറിയിരിക്കുകയാണ് ദില്ലിയിലെ വനിതാ പൊലീസുകാര്‍. കാരണം എന്താണെന്നോ?ദില്ലിയിലെ വനിതാ പൊലീസുകാര്‍ കഴിഞ്ഞ ദിവസം കളിച്ച ഡാന്‍സ് ഇതിനോടകം വൈറലായിക്കഴിഞ്ഞു.

ഇക്കഴിഞ്ഞ ശനിയാഴ്ച നടന്ന ‘സുനോ സഹേലി’ എന്ന പരിപാടിയിലാണ് തകര്‍പ്പന്‍ ഡാന്‍സുമായി ഐപിഎസ് ഓഫീസറടക്കമുള്ള വനിതാ പൊലീസുകാര്‍ കൈയ്യടി സ്വന്തമാക്കിയത്.

ഓള്‍ വുമണ്‍ സമ്പര്‍ക്ക് സഭയുടെ സഹകരണത്തോടെ ദില്ലി സൗത്ത് – വെസ്റ്റ് പൊലീസ് സംഘടിപ്പിച്ച ‘സുനോ സഹേലി’ എന്ന പരിപാടിയിലാണ് സപ്ന ചൗധരിയുടെ പ്രശസ്തമായ ‘തേരി ആഖ്യാ കാ യോ കാജല്‍’ എന്ന ഗാനത്തിന് വനിതാ പൊലീസുകാര്‍ ചുവടുവച്ചത്.

കിടിലന്‍ നൃത്തച്ചുവടുകളുമായി പൊലീസുകാര്‍ അരങ്ങ് തകര്‍ത്തപ്പോള്‍ ഐപിഎസ് ഓഫീസറും കൂടെ ചേര്‍ന്നു. ഡാന്‍സിന്റെ വീഡിയോ ഇപ്പോള്‍ സോഷ്യല്‍ മീഡിയയില്‍ തരംഗമായിക്കഴിഞ്ഞു.

महिलाओं को प्रोत्साहित करने के लिए सुनो सहेली कार्यक्रम में जमकर नाचीं महिला आईपीएस बेनिता मैरी जेकर और महिला पुलिसकर्मी,सपना चौधरी के गाने पर डांस का ये वीडियो pic.twitter.com/2QSZI4cXtP

— Mukesh singh sengar मुकेश सिंह सेंगर (@mukeshmukeshs) April 1, 2019