ഇന്ത്യന്‍ പ്രീമിയര്‍ ലീഗില്‍ 2000 റണ്‍സ് പൂര്‍ത്തിയാക്കി അപൂര്‍വ്വ നേട്ടം സ്വന്തമാക്കി രാജസ്ഥാന്‍ റോയല്‍സ് ബാറ്റ്സ്മാന്‍ സഞ്ജു സാംസണ്‍. ഐ പി എല്ലില്‍ 2000 റണ്‍സ് നേടുന്ന മുപ്പതാമത്തെ ബാറ്റ്സ്മാനാണ് സഞ്ജു. ഏറ്റവും വേഗത്തില്‍ ഈ നേട്ടം സ്വന്തമാക്കുന്ന ഏറ്റവും പ്രായം കുറഞ്ഞ ബാറ്റ്സ്മാനെന്ന റെക്കോര്‍ഡും സഞ്ജു സാംസണ്‍ സ്വന്തമാക്കി.
ചെന്നൈ സൂപ്പര്‍ കിങ്‌സിനെതിരായ മത്സരത്തിലാണ് സഞ്ജു ഈ നേട്ടം സ്വന്തമാക്കിയത്. സാക്ഷാല്‍ വിരാട് കോഹ്ലിയെയാണ് സഞ്ജു സാംസണ്‍ മറികടന്നത്. 2013 ല്‍ 2000 റണ്‍സ് പൂര്‍ത്തിയാക്കുമ്പോള്‍ 24 വയസ്സും 175 ദിവസവുമായിരുന്നു കോഹ്ലിയുടെ പ്രായം. കഴിഞ്ഞ മത്സരത്തില്‍ 55 പന്തില്‍ പുറത്താകാതെ 102 റണ്‍സ് നേടിയ സഞ്ജുവിന് കഴിഞ്ഞ മത്സരത്തില്‍ 10 പന്തില്‍ 8 റണ്‍ നേടാന്‍ മാത്രമേ സാധിച്ചുള്ളൂ. മത്സരത്തില്‍ ആറ് റണ്‍സിനാണ് ചെന്നൈ സൂപ്പര്‍ കിങ്സ് വിജയിച്ചത്.
Post Your Comments