ന്യൂഡല്‍ഹി: ലോക്‌സഭാ തെരഞ്ഞെടുപ്പ് അടുത്തിരിക്കെ ആം ആദ്മി പാര്‍ട്ടിയുമായുള്ള സഖ്യത്തില്‍ തീരുമാനമാകാതെ കോണ്‍ഗ്രസ്. ഞായറാഴ്ചയോ തിങ്കളാഴ്ചയോ സ്ഥാനാർത്ഥികളെ പ്രഖ്യാപിക്കുമെന്ന് ഡല്‍ഹി മുന്‍ മുഖ്യമന്ത്രിയും കോണ്‍ഗ്രസ് സംസ്ഥാന അധ്യക്ഷയുമായ ഷീല ദീക്ഷിത് പറഞ്ഞു.
എന്നാല്‍ സംസ്ഥാനത്തെ ഏഴ് സീറ്റുകളിലേക്കുള്ള സ്ഥാനാര്‍ഥികളുടെ ചുരുക്കപ്പട്ടിക തയാറാക്കുന്നതിനുള്ള നടപടികള്‍ പാർട്ടി തുടങ്ങിക്കഴിഞ്ഞു. പിറന്നാള്‍ ദിവസമായിരുന്ന ശനിയാഴ്ച ഷീല ദീക്ഷിതിന്‍റെ വസതിയില്‍ വൈകുന്നേരം കോണ്‍ഗ്രസ് നേതാക്കളായ പി.സി ചാക്കോയും കെ.സി വേണുഗോപാലും എത്തിയിരുന്നു. ഷീല ദീക്ഷിതുമായുള്ള ഇവരുടെ കൂടിക്കാഴ്ച അര്‍ധരാത്രിവരെ നീണ്ടു.
അതേസമയം കേരളത്തിലെ വയനാട്ടിൽ കോൺഗ്രസ് അധ്യക്ഷൻ രാഹുൽ ഗാന്ധി മത്സരിക്കും. രാജ്യത്തെ ബാക്കിയുള്ള സീറ്റുകളെക്കുറിച്ചുള്ള തീരുമാനം ഉടൻ ഉണ്ടാകും
Post Your Comments