പാർട്ടി പ്രവർത്തകയുടെ വീടിന് നേരെ ആക്രമണം

തിരുവനന്തപുരം: എസ്എഫ്ഐ നേതാവ് ആര്യയുടെ വീടിന് നേരെ ആക്രമണം.
ധനുവച്ചപുരം വിടിഎം എൻഎസ്എസ് കോളേജിലെ എസ്എഫ്ഐ ജോയിന്‍റ് സെക്രട്ടറിയും പാറശ്ശാല ഏരിയ കമ്മിറ്റി അംഗവുമാണ് ആര്യ. ഇന്നലെ രാത്രി അക്രമികളെത്തിയാണ് വീട് അടിച്ചു തകർത്തത്.

ആറോളം പേരടങ്ങുന്ന സംഘം രാത്രി ഒന്നരയോട് കൂടി വീടിന് നേരെ ആക്രമണം നടത്തുകയായിരുന്നു. വീടിന്‍റെ ജനൽചില്ലുകൾ എല്ലാം അടിച്ചു പൊട്ടിച്ച ആക്രമികൾ രണ്ട് ബൈക്കുകളും നശിപ്പിച്ചു. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു.