നിങ്ങള്‍ എവിടെയെങ്കിലും നില്‍ക്കുമ്പോള്‍ അപ്രതീക്ഷിതമായ ശക്തമായ കാറ്റ് വീശിയാല്‍ എന്ത് ചെയ്യും? ആലോചിച്ചിട്ടുണ്ടോ? എവിടെയെങ്കിലും പിടിച്ചുനില്‍ക്കാനോ, എങ്ങോട്ടെങ്കിലും ഓടിക്കയറാനോ ഒന്നും കഴിയാതെ കാറ്റില്‍ പെട്ട് പോയാലോ! അത്തരത്തിലുളള ഒരു വീഡിയോ ആണ് ഇപ്പോള്‍ സമൂഹമാധ്യമങ്ങളില്‍ വൈറലായിക്കൊണ്ടിരിക്കുന്നത്. ടര്‍ക്കിയിലെ ഉസ്മാനിയയിലാണ് സംഭവം നടന്നത്.
വഴിയോരക്കച്ചവടക്കാര്‍ പരസ്പരം സംസാരിച്ചുകൊണ്ട് ഇരിക്കുകയായിരുന്നു. പെട്ടെന്നാണ് ശക്തമായ കാറ്റ് വീശിയത്. തുടര്‍ന്ന് ജ്യൂസ് പാര്‍ലറിലെല്ലാം കാണുന്നത് പോലെയുള്ള വലിയ കുട കാറ്റില്‍ പറന്നുനീങ്ങിയത് പിടിച്ചുനിര്‍ത്താന്‍ ഒരാള്‍ ശ്രമിക്കുന്നത് കാണാം. എന്നാല്‍ കാറ്റിനൊപ്പം പൊങ്ങിത്തുടങ്ങിയ കുടയ്ക്കൊപ്പം അയാളും പൊങ്ങുകയായിരുന്നു. അടുത്തുണ്ടായിരുന്ന ആരോ മൊബൈലില്‍ പകര്‍ത്തിയ ദൃശ്യങ്ങളാണ് പിന്നീട് സമൂഹമാധ്യമങ്ങളില്‍ വൈറലായത്. ഉസ്മാനിയ സ്വദേശിയായ സാദിഖ് ആണ് കാറ്റില്‍ പെട്ടത്.
Post Your Comments