ആലുവ: കൂത്തില്‍ പുരുഷന്മാരുടെയും സ്ത്രീകളുടെയും ഇപ്പോഴത്തെ വസ്ത്രധാരണ രീതികളെ കുറിച്ച് പരിഹാസ രൂപേണ അവതരിപ്പിക്കുന്നതിനിടെ വേദിയിലേയ്ക്ക് കയറിവന്ന സ്ത്രീ ചാക്യാരുടെ കരണത്തടിച്ചു. . ആലുവ മണപ്പുറത്തു നഗരസഭ നടത്തുന്ന ദൃശ്യോത്സവത്തിനിടെയാണ് സംഭവം.
പുരുഷന്മാരുടെയും സ്ത്രീകളുടെയും ഇപ്പോഴത്തെ വസ്ത്രധാരണ രീതികള്‍ അവതരിപ്പിച്ചതിനെതിരെയാണ് സ്ത്രീ വേദിയിലെത്തി കലാകാരനെ കരണത്തടിച്ചത്. നഗരസഭാധികൃതരും പൊലീസും ചേര്‍ന്നു ഇവരെ പിടിച്ചുമാറ്റി. 55 വയസ് തോന്നിക്കുന്ന സ്ത്രീ ചുരിദാറാണ് ധരിച്ചിരുന്നത്.
തന്റെ കരണത്തടിച്ചതിനെ കലാകാരന്‍ ചോദ്യം ചെയ്തപ്പോള്‍ സ്ത്രീ മൈക്കിനടുത്തെത്തി അസഭ്യം പറഞ്ഞതായും ദൃക്‌സാക്ഷികള്‍ പറഞ്ഞു.സ്ത്രീക്കു മാനസിക അസ്വസ്ഥതയുള്ളതായി സംശയമുണ്ടെന്നു പൊലീസ് പറയുന്നു. സ്ത്രീയ്‌ക്കെതിരെ പൊലീസ് കേസ് എടുത്തിട്ടില്ല
Post Your Comments