കോഴിക്കോട്: അരിവാള്‍ ചുറ്റിക നക്ഷത്രത്തില്‍ സി.പി.എം പ്രവര്‍ത്തകര്‍ക്ക് വോട്ട് ചെയ്യാനാവുന്ന അവസാന തിരഞ്ഞെടുപ്പായിരിക്കും ഇത്തവണത്തേതെന്ന് വ്യക്തമാക്കി ബി.ജെ.പി അദ്ധ്യക്ഷന്‍ പി.എസ്. ശ്രീധരന്‍പിള്ള. ബി.ജെ.പി സ്ഥാനാര്‍ത്ഥി പട്ടികയിലെ അഞ്ച് പേര്‍ ദുര്‍ബലരാണെന്ന സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്റെ പ്രസ്താവനയ്ക്കെതിരെ പ്രതികരിക്കുകയായിരുന്നു അദ്ദേഹം. അഞ്ച് മണ്ഡലങ്ങളില്‍ ദുര്‍ബലരായ സ്ഥാനാര്‍ത്ഥികളെയാണ് നിർത്തുന്നതെന്നും കോണ്‍ഗ്രസും ആര്‍.എസ്.എസും തമ്മിലുള്ള അവിശുദ്ധ കൂട്ടുകെട്ടാണ് അണിയറയില്‍ നടക്കുന്നതെന്നും കോടിയേരി വ്യക്തമാക്കിയിരുന്നു. ഇതിന്റെ പശ്ചാത്തലത്തിലായിരുന്നു ശ്രീധരൻ പിള്ളയുടെ വിമർശനം.
Post Your Comments