ഇടുക്കി: രജീഷ വിജയന്‍ നായികയാവുന്ന ഫൈനല്‍സ് ഏപ്രിലില്‍ ചിത്രീകരണം ആരംഭിക്കും. ഏപ്രില്‍ പത്തിന് കട്ടപ്പനയിലാണ് ചിത്രീകരണം ആരംഭിക്കുന്നത്.ഫൈനല്‍സില്‍ ഒളിമ്പിക്‌സിന് തയ്യാറെടുക്കുന്ന ആലീസ് എന്ന സൈക്‌ളിസ്റ്റിനെയാണ് രജീഷാ വിജയന്‍ അവതരിപ്പിക്കുന്നത്.
നവാഗതനായ അരുണ്‍ പി.ആര്‍. രചനയും സംവിധാനവും നിര്‍വഹിക്കുന്ന ഈ ചിത്രമാണ് ഫൈനല്‍സ്. സുരാജ് വെഞ്ഞാറമൂടും നിരഞ്ജും, മണിയന്‍പിള്ള രാജുവുമാണ് മറ്റ് പ്രധാനതാരങ്ങള്‍.എംഡി രാജേന്ദ്രനും റഫീഖ് അഹമ്മദും എഴുതുന്ന ഗാനങ്ങള്‍ക്ക് കൈലാസ് മേനോനാണ് സംഗീത സംവിധാനം നിര്‍വഹിക്കുന്നത്.
ഹെവന്‍ലി മൂവീസുമായി ചേര്‍ന്ന് മണിയന്‍പിള്ള രാജു പ്രൊഡക്ഷന്‍സിന്റെ ബാനറില്‍ മണിയന്‍പിള്ള രാജുവും പി. രാജീവും ചേര്‍ന്നാണ് ഫൈനല്‍സ് നിര്‍മ്മിക്കുന്നത്.ജൂണിന് ശേഷം രജീഷ പ്രധാന കഥാപാത്രത്തെ അവതരിപ്പിക്കുന്ന ചിത്രമാണ് ഫൈനല്‍സ്.
Post Your Comments